انتفض عدد من سائقي ومندوبي التوصيل بـ”Glovo”، ضد الشركة الإسبانية المتواجدة بالمغرب، والمختصة في توصيل الطلبات والأطعمة من المحلات التجارية والمطاعم إلى الزبناء عبر تطبيقات الهاتف، بسبب جملة من المشاكل والإكراهات والمطالب (حسب وصفهم)، وكذلك المخاطر التي يتعرضون لها أثناء قيامهم بعملهم، حيث ثم تنظيم وقفة احتجاجية أول يوم أمس (الأحد) الماضي بمدينة الدار البيضاء نظرا لتملص الإدارة من التزاماتها تجاههم.
“عمر. ت” (اسم مستعار) يعمل مندوب توصيل منذ أزيد من سنة بشركة “Glovo”، قال يوم أمس (الاثنين) في تدوينة له شاركها عبر صفحة “Save Casablanca” إن “مندوب التوصيل يحتاج إلى دراجة نارية خاصة في ملكه, وهاتف ذكي ومصاريف الصيانة والبنزين والتأمين، علاوة على مصاريف التعبئة الهاتفية الشهرية للتواصل مع الزبائن ودفع مستحقات البدلة التي يشتغل بها.
وأضاف “باش يكون في علم الجميع ان livreur راه تيجيب لموطور من عندو، يعني ملك خاص، وكذلك “ليصانص” كنخلصوه من جيبنا بحيث كل نهار تنصرفو 60dh، وكل10 أيام عندنا 80 dh ديال فيدونج، وكذلك 450dh ديال لاصيرونص كل ثلاث أشهر، ومصاريف الصيانة تقريبا 1000dh، ثم “جاكيط” glovo لي داير ليهم اشهار فابور وخصني نخلصها ليهم بـ280dh و”لبوكصا تاهيا اشهار فابور وتنخلصها بـ 300dh”.
وأوضح أنه بـ”النسبة لكوموند واحد يعني “commande unique” أقل ثمن خاصني نوصل بيه شي كوموند عادي خاصو يكون هو 10dh بنهار و15dh بالليل، زائد المسافة والوزن ديال كوموند”، مردفا: “تخايلو معايا ولينا مع 3 الليل خاصك توصل كوموند بـ7dh ولا 10dh، علما أن هاد كوموند ممكن تتعطل عند ريسطو 30 دقيقة، ونتا غاتوصلها ف 10 دقايق للزبون، يعني ساعة تقريبا غادي ندخل فيها10dh ولا15dh ومجموع ساعات لي ممكن نخدم مع glovo هو 10ساعات، يعني واخا ندخل 200dh فنهار ونقص منها ليصانص والمصاريف لي دوينا عليهم فالنقطة اللولة غانولي أنا طالع ليا النهار بناقص”.
وتابع في التدوينة ذاتها، أنه “بالنسبة لكوموند لي تتكون فيها جوج يعني commande groupée !! هاد النقطة بالأساس غريبة وعجيبة تخيلو معايا كاتعطيك شركة glovo جوج كوموندات توصلهم لجوج عناوين فبلايص مختالفين على بعضياتهم، مثلا كنهزو جوج ديال ليكوموند دقة وحدة من “ماكدونالد” المعاريف واحد خاصني نحطها فالزيراوي وثانية غادا تال سقراط وتايخلصوك على لولا بـ 8dh والثانية تايعطيوك عليها 2dh !!! واش تايضحكو علينا ولا على الوقت ولا لقاونا ماشي رجال يمكن راه حشوما وبزاف 2dh !!! ديالاش ديال العذاب ولا مصاريف ليصانص ولا لموطور ولا الأخطار ديال طريق ولا ديالاش !”.
وأكد، أنه “بالنسبة les commandes magic يعني لكليان فاش كاينسا سوارت ولا بيسي ولا بغا شي تقدية مكيناش في تطبيق glovo أو شي service لي تايكون قانوني تانتسخرو ليه حنا وتنقضيو ليه لغرض وهو مرتاح فبلاصتو، هاد الخدمة glovo كتاخد فيها من عند لكليان مابين35dh حتال 45dh ولكن الغريب فالأمر تايخلصو ليفرور غي بـ 10dh أو 8dh !!!واش هادا منطقي ؟”.
وأوضح، أنه “بالنسبة للنقطة ديال التميز أي la note d’excelence .. هي واحد نقطة دايراها glovo باش تبقا المنافسة بين لخدامة وكل نهار هاد نقطة كتبقا تطلع وتنزل على حساب شحال خدمتي فالاوقات لي بغاتك glovo تخدم فيهم، يعني مثلا الى بغتي تخدم من8 صباح إلى 3 العشية وتدخل ترتاح مع وليداتك أو تمشي تعيش حياتك عادي فحال أي واحد خدام وعندو حياة موازية بعيدة على تمارة ودوران فوق الموطورف glovo غادا تطيح ليك النقطة وتخليك متلقاش سوايع خاويين باش تخدم وغادي تضطر انك تبقا تلقا سوايع لي متيخدم فيهم غي ناس قلال..”.
وأردف: “هادشي لي تايخلي les livreurs ابقاو خارجين نهار كامل خدامين يعني بطريقة غير مباشرة، وفي فصل صيف تايوقفو تقريبا 300 ليفرور بدون حق، وفنفس لوقت تايدخلو 500 او 600 واحد باقين جداد ومسكين بنادم تايكون باقي تايشوف ومتيق glovo على أنها الحل ديالو كشاب باغي يخدم راسو ومايكونش مرهون فشي شركة ولا تايتنفخ عليه شي واحد، ولكنglovo كتستغل هاد الحماس لي ديما تايدخلو بيه المجموعة ديال ليفرورا جداد وتايبقاو يجريو على اي واحد طالب بادنى حقوق ديالو”.
وأشار، “بالنسبة لسنة 2022 أنا من الناس لي حرماتني glovo من مبلغ 7500 dh بدون موجب حق، حيث كانت glovo دايرا مسابقة تحفيزية باش ليفرورا يبداو يوصلو أكتر من 20 commandes كل نهار، كتبدا من 1/1/2022 وغتسالي نهار 30/12/2022 وتم الاعلان الرسمي ديالها فالموقع الخاص ديالهوم، وكذلك كتبان فبوفيل ديال كاع ليفرورا أي دايرين معانا الى وصلتي لـ2500 commandes غتاخد 3500 dh على طول السنة والى وصلتي 3500 commandes غتاخد 1500dh والى وصلتي 4500 commandes غتاخد 2500dh يعني الى كملتي 4500commandes فسنة 2022 غتحصل على 7500dh”.
وأكد المصدر ذاته، أن “دراري قدرو ياخد منحة أولى، او كاين لي خدا لولا وثانية وكاين لي خدا حتا الثالثة، ولكن الغريب فالامر والخايبا كاع انهم جاو فشهر 9 septembre وقالو لينا بلي غاتوقف هاد المسابقة، وكاينين دراري لي كانت باقا ليهم فقط 10 commandes وياخدوها وكاين لي بقات ليه 20 cmnd، كفاش هاد ناس عطاتهم خاطرهم يعطيو لناس ربحو ويحرمو ناس اخرين تايتسناو دورهم وكفاش محتارموش وقت المسابقة لي فيه سنة كاملا”.
وفي ختام تدوينته، وجه مندوب التوصيل رسالة إلى الإدارة قائلا: “حاولي تلقاي حل ليوم قبل غدا وتحتارمي هاد رواح وهاد شباب لي مضحيا بحياتها وصحتها فوق الدراجات نارية كاين فينا لي تهرس كاين لي مات كاين لي مرض بسدر وركابيه بل برد وشمش وعداب وشفارة لي تايتبعونا وتايلوحو بنادم فوق موطورو، راه ليفرور ماشي شفار ولا انسان خايب راه مواطن عادي خدام بعرق جبينو احتارمونا وعطيونا حقنا ونتوما تخدمو وحنا نخدمو، ماشي تحرتو علينا كون بغينا لي يحرت علينا كون خدمنا فبلايص اخرين ولكن راه كاين فينا شباب وكاين فينا لي بدبلومات ديالو وتايهدير جوج لغات اجنبية”.
تعليقات الزوار ( 0 )